IN DIE HERFS VAN JOU LEWE
IN DIE HERFS VAN JOU LEWE
Geroeste boomblare skei traag van die moederplant
Net soos jou lewelose liggaam wat val uit my hand
Eens glorieryke takke word kaalgestroop
Jou afgetakelde, stukkende liggaam, sonder hoop
Jou herfs het te vinnig gekom
Ek wou nog langs jou in die sonstrale blom
toe het die strale reeds verdof
en die eerste blare op die grond geplof
'n somer sterf saggies hier in my agterplaas
net soos toe jy jou laaste asem uitblaas
totdat alles dood is
en in my geen woord is
Oral het jou hande besig gebly
Nou is dit grafstil en alles verby
Tot die voëls bly my vermy
en die loerie koggel my
Die bome is in rou, alles net oor jou
Die koue is eensaam en klou aan my hart
My tuin is verwaaid, verstrooid en vol smart
Alles is te stil
Later word die blare kompos vir die aarde.
Kry ons lewe nuwe waarde.
Jou Hemelse Vader het jou kom haal
Hy het klaar die prys vir jou betaal
Ontvang van een van ons lede.
Baie dankie Anton
PPS & Video clips: Visit http://groups.yahoo.com/group/eposvriende2
or send a message to eposvriende2-subscribe@yahoogroups.com
Remember to confirm your subscription.
Sluit aan by Resepte Ruil: (Afrikaans & English) johanna4-384577@autocontactor.com
Join Recipe Exchange: (English only) johanna4-384579@autocontactor.com
Comments